Fakligt Forum fyri Leiðandi sjúkrarøktarfrøðingar FÁ6 undir Felagnum Føroyskir Sjúkrarøktarfrøðingar, hevur júst havt vitjan av norðurlendsku samstarvsfeløgum úr Danmark, Noregi, Svøríki, Finnlandi og Íslandi. Tað er Ledernes Netverk i Norden, LNN, sum er ein felagsskapur fyri allar leiðarar innan sjúkrarøkt í Norðurlondum. Høvuðsendamáli við vitjanini er, at fyrireika ráðstevnur, sum verða hildnar annaðhvørt ár í einum av limalondunum og samstundis at netverka. Næsta ráðstevna verður í Íslandi, 24. – 26. Mei 2016.
Vitja var í Klaksvík mikudagin, ein sera áhugaverdur og góður túrur. Um kvøldið var Klaksvíkar Býráð vertur við eini máltíð.
Túrurin endaði í Tórshavn, í Felagnum Føroyskir Sjúkrarøktarfrøðingar, og var hetta ein sera væleydnað vitjan.
