Fyrrverandi KÍ leikarin var leygardagin aftur at síggja hjá liði í Effodeildini.
Evrard Blé verður eftir øllum at døma at síggja aftur í Effodeildini.
Sum myndin vísir, so var Evrard Blé at síggja á B68 liðnum, sum í gjár spældi venjingardyst í Fuglafirði móti ÍF. B68 hevur ikki kunngjørt, um nakar sáttmáli er gjørdur, so helst er talan í fyrstu atløgu um royndarvenjing. Blé spældi í fjør við KÍ fyrsta partin av kappingini í Effodeildini, meðan hann spældi við Giza/Hoyvík í 2.deild í seinnu hálvu.
ÍF vann venjingardystin 2-1. Málini hjá ÍF skoraðu Clayton Soares og Margeir Toftegaard.
