Pál Weihe er farin frá sum formaður.

TÍÐINDASKRIV FRÁ HEILSU- OG INNLENDISMÁLARÁÐNUM:

Sirið Stenberg tilnevnt nýggjar limir í Fólkaheilsuráðnum

Magni Mohr er formaður og Kathrina Lindenskov Holm er næstforkvinna í nývalda Fólkaheilsuráðnum

Á samkomu í Heilsu- og innlendismálaráðnum í dag almannakunngjørdi Sirið Stenberg, landsstýriskvinna í heilsu- og innlendismálum hvørji skulu manna Fólkaheilsuráðið komandi árini. Tey tilnevndu eru:

• Magni Mohr, formaður

• Kathrina Lindenskov Holm, næstforkvinna, sálarfrøðingur

• Petra Arge Poulsen, heilsufrøðingur

• Katrin Danielsen, kommunulækni

• Jón Klein Olsen, umboðandi løgregluna

• John Henrik Olsen, umboðandi undirvísingarverkið

• Elin Ludvig, umboðandi almannaverkið

Á samkomuni takkaði landsstýriskvinnan fráfarandi limunum í Fólkaheilsuráðnum fyri fyrimyndarligt arbeiði síðani 2005. Pál Weihe, sum hevur verið formaður hesi seinnu árini, og nývaldi formaðurin, Magni Mohr, søgdu eisini nøkur orð um leiklutin hjá ráðnum í fólkaheilsuhøpi.