Bretska pundið er fallið nógv í virði síðani úrslitið av bretsku fólkaatkvøðuni gjørdist greitt, men hetta fær ikki Nigel Farage, formann í flokkinum UKIP, at stúra.
Bretska pundið er fallið nógv í virði síðani úrslitið av bretsku fólkaatkvøðuni gjørdist greitt, men hetta fær ikki Nigel Farage, formann í flokkinum UKIP, at stúra.
“At pundið flytur seg í virði hevur ongan týdning. Eg vil í øllum førum nógv heldur hava flótandi gjaldoyru enn fastløst sum evruna,” sigur hann við danska TV2.
Farage vísir á at pundið hækkaði í virði í gjárkvøldið, tí forsøgnirnar søgdu, at bretar fóru at verða verandi í ES, og hann hevur ikki ilt av teimum, sum nú hava mist pengar.
“Hetta eru stuttsiktaðir marknaðarspekulantar. Teir hildu at fólkið fór at velja “remain”, men tað gjørdu tey ikki – keðiligt hjá teimum,” sigur hann.
Fyri Nigel Farage er tað púra natúrligt, at pundið hækkaði í gjár og fellur í dag. Men lítil ivi er tó um, at stóra fallið kann langsiktað raka bretska búskapin hært.
