So avgjørdur er Johan Dahl, fyrrverandi Vinnumálaráðharri, sum var og er ein íðin fortalari fyri uppboðssølu av fiskatilfeinginum. Sølan í dag var ein óbrúkilig fiasko og sama skilið verður á søluni hósdagin. Arbeiðshátturin hjá Landsstýrismanninum í Fiskivinnumálum hóttur nú við at koyra alla hugsjónina um eina uppboðssølu fyri bakka, sigur Jóhan Dahl
So avgjørdur er Johan Dahl, fyrrverandi Vinnumálaráðharri, sum var og er ein íðin fortalari fyri uppboðssølu av fiskatilfeinginum. Sølan í dag var ein óbrúkilig fiasko og sama skilið verður á søluni hósdagin. Arbeiðshátturin hjá Landsstýrismanninum í Fiskivinnumálum hóttur nú við at koyra alla hugsjónina um eina uppboðssølu fyri bakka, sigur Jóhan Dahl
– Mátin sum samgongan hevur sett sær fyri at brúka, útihýsir útlendingum og tí er tað í veruleikanum einans nakrir fáir føroyskir stórreiðarar, sum avgera hvør fær fiskin.
Hetta er ein sorgarleikur, tí tað hevði borið til at fingið útlendingar inn í samstarvi við føroyingar, fyri at fingið eina veruliga kapping um fiska tilfeingið. Tað eru nakrir fáir føroyskir stórreiðarar, sum eiga í flest øllum skipum, og teir stýra fullkomiliga tí, sum gongur fyri seg í løtuni.
Hettar er ein vanlukka fyri okkum, sum veruliga hava sæð møguleikar í eini skipan við uppboðssølu. Tað sum gongur fyri seg í løtuni er ein vanlukka og avleiðingin er at øll hugsjónin um eina nýggja skipan við uppboðssølu fer fyri bakka, sigur Johan Dahl í stuttari viðmerking í kvøld.
