Tapa KÍ kvinnurnar ikki óvanliga stórt, so vinna KÍ kvinnurnar enn eitt føroyameistaraheitið leygardagin.
Tað bendi leingi á, at hetta fór at blíva FM dysturin, tá EB/Streymur/Skála í seinasta umfarinum skuldi spæla í Klaksvík. Men KÍ hevur víst meira støðugt spæl og vunnið allar dystirnar seinastu tíðina. Tí situr KÍ við sera góðum kortum undan seinasta dystinum, tí hóast KÍ bara eru 3 stig frammanfyri undan dystinum leygardagin, so er málúrtøkan so mikið góð, at EB/Streymur/Skála skal vinna við minst 20 málum fyri at vinna FM. Og tað sigur søgan okkum, at tað undir vanligum umstøðum ikki hendur.
Tí fáa KÍ kvinnurnar væntandi FM steypið í Klaksvík leygardagin. Dysturin í Klaksvík byrjar kl. 11.30.
