Men talan verður ikki um at keypa dýrar útlendskar leikarar, sigur B68 venjarin Súni Olsen.
Men talan verður ikki um at keypa dýrar útlendskar leikarar, sigur B68 venjarin Súni Olsen.
B68 skal í ár spæla í 1.deild eftir at liðið flutti niður úr Effodeildini í fjør, har B68 var langt aftast. Nýggjur venjari er Súni Olsen, sum í fjør spældi við KÍ, og hann sigur, at B68 hópurin í løtuni minnir nógv um tann í fjør.
Í løtuni er sera friðarligt, men vit hava altíð antennuna úti eftir leikarum, ið kunnu styrkja og breiðka um hópin Hópurin líkist nógv hópinum frá í fjør – tó er Martin Olsen við aftur, umframt at málverjin Heini Kristiansen er heintaður inn. Og í løtuni er evnaríki Svein Justinussen og venur við okkum, og onkrir aðrir koma eisini at venja við seinni, sigur Súni Olsen við Norðlýsið.
Leysasøgur hava sett Nenad Saric, sum í fjør var toppskjútti á næstbesta liðnum hjá ÍF, í sambandi við B68, men Súni sigur, at sum støðan er í løtuni, so kennir hann einki til hesar útsøgnirnar.
