Tað skrivar metroxpress, donsk morgunavís, í dagsins útgávu.
Tað skrivar metroxpress, donsk morgunavís, í dagsins útgávu.
Í greinini er eitt yvirlit yvir, hvussu tað gekst Norðurlondum í gjár, tá ið Michelinstjørnurnar vórðu lutaðar út.
Har stendur at lesa (leysliga umsett):
Danmark: 24 matstovur [fingu Michelinstjørnur], men telur mann Føroyar við sum ein part av danska ríkisfelagsskapinum, er Danmark uppi á 25 matstovum.
Fingu Føroyar so 25 Michelinstjørnur?
Venda vit hesum á høvdi, kunnu føroyingar væl saktans eisini siga, at Føroyar fingu 25 Michelinstjørnur, ella hvat?
Óansæð sambands- ella loysingarhjarta, so er útleggingin í metroxpress eitt sindur óruddilig, tí Føroyar er væl saktans eitt land, og Koks er ein matstova í Føroyum.
Í greinini er annað yvirlit yvir hvørjar danskar matstovur hava fingið Michelinstjørnu, og har verður Koks ikki nevnd. Man kundi ið minsta lagi kravt, at Koks stóð har í klombrum.
Kanska er hetta smáligt, men hetta kundi ikki fara aftur við borðinum ótalað.
