Newcastle vann toppdystin móti Brighton, men mest serligt við dystinum var eina málið hjá Newcastle, sum ensku miðlarnir gera nógv burtuúr.
Brighton var oddalið undan dystinum og førdi eisini 1-0 á heimavølli, tá 79 minuttir vóru leiktir. Men Newcastle kom aftur og vendi dystinum. 1-1 málið var kanska tað løgnasta, sum nakar hevur sæð í enskum fótbólti hetta kappingarárið. Tveir Newcastle leikarar raka ikki bóltin serliga væl, men onkursvegna endar bólturin hjá Mohamed Diame, sum á onkran løgnan hátt stýrir bóltin so hesin fer heilt upp í samankomingina. 1-1 og løtu seinni avgjørdi Newcastle dystin og vann 2-1. Sigurin gjørdi, at Newcastle fór uppá fyrsta plássið, tvey stig frammanfyri Brighton. Newcastle hevur 73 stig, Brighton 71 stig og Huddersfield hevur 65 stig á 3. plássi. Tvey lið flyta beinleiðis upp í Premier League. Sí løgna málið hjá Diame niðanfyri.
