Heri á Rógvi, búskaparfrøðingur er nýggjur limur í Búskaparráðnum.
Heri á Rógvi avloysir Djóna Højgaard, sum er farin úr ráðnum, tí hann er farin at arbeiða í Fíggjarmálaráðnum.
Til løgtingsvalið arbeiddi Heri á Rógvi sum kampanjuleiðari hjá Fólkaflokkinum.
Fróðskaparsetrið innstillar fólk í Búskaparráðið. Sama innstilling varð brúkt nú, sum tá Djóni Højgaard varð valdur.
Heri á Rógvi er við í teirri innstillingini. Landsstýrismaðurin í fíggjarmálum setur fólk í Búskaparráðið.
Í tíðindaskrivinum stendur eisini, at Búskaparráðið skipar seg sjálvt og verður tað ein av fyrstu døgunum.
