Betri Stuðulsgrunnurin letur peningagávur til vælgerandi endamál, og onnur, sum onkursvegna gera jólini betri fyri síni medmenniskju.
Betri Stuðulsgrunnurin hevur sum endamál at skapa tryggleika umvegis stuðul. Hetta verður staðfest í felagsins CSR-politikki. Stuðul verður latin har hann er skaðafyribyrgjandi, har hann er sjúkufyribyrgjandi og har stuðulin er tryggleikaskapandi. Betri er stór fyritøka í Føroyum, og hevur ábyrgd at veita stuðul, øllum samfelagnum at gagni. Adventsgávurnar eru beinleiðis úrslit av hesari ábyrgd.
Í fjør vóru kr. 1.250.000,- latnar í adventsgávum, og aftur í ár verður adventskalendari á betristudul.fo.
Hvønn sunnudag í advent verður lúka latin upp, og her fæst at vita, hørjum verður latin stuðul. Og jólaaftan verður stór jólagáva latin.
Í gjár, 1. sunnudag í advent varð gáva latin: Heilbrigdið, ið fekk 150.000 krónur, City Meals, ið fekk 30.000 krónur og Herbergið, ið fekk 30.000 kr.
