Klakksvíkar Hermetikk hevur sanniliga eina heilt serliga og áhugaverda vinnulívssøgu
Senastu tíðina hava fyrrverandi ognirnar hjá Klakksvíkar Hermetikk verið havdar á lofti í samband við at ábøtur skulu gerast á bygningarnar.
Fari ikki at blanda meg upp í sjálva viðgerðina av málinum.
Fari bara at heita á okkara býráðslimir og embætisfólk, íð viðgerð málið at sleppa heitinum “bollafabrikkin”. Hetta er “slængudtryk”, sum danir siga, og fevnir avgjørt ikki fullan relevans í hesum føri og tí viðgerð av okkara tilfeingi av sjógvi og landi sum var á virkinum.
Søgan um Klakksvíkar Hermetikk, er ein serstøk og sera áhugaverd søga, sum vísir á framfýsni, nýskapan, íløgutrongd bæði á heimamarknaði og í útflutningi í út við 30 ár og sostatt dyggur partur av vinnulívssøguni.
Eitt sera breitt úrval
Bara nøkur fá dømi um framleiðslusløg bæði heil- og hálvkonservis:
– Fiskabollar
– Fiskakøka
– Heil og malin rogn
– Sild í vínsós o.a.
– Gaffilbitar o.a.
– Ansjósir í tomatsós
– Fuglur í soði og í sós – Lundi, lomvii o.a.
– Hummarar pilkaðar og heilir
– Og fleiri onnur sløg
Hvat verður gjørt við hendan dýrgrip av vinnulívssøgu okkara, fæst at síggja, men heilt serlig og spennandi er søgan, sum gav meiri 50-60 fólkum arbeiði bæði ungum og eldri og var sotstatt ein veruligur stuðul undir, at Klaksvík kom betri burturúr vánaligu tíðunum í 1950unum enn flestu onnur støð landinum.
Latið okkum øll fáa innaftur heitið “KLAKSVÍKAR HERMETIKK” – ella bara “HERMETIKKK” og ikki hatta “forfladiga” orðið “bollafabrikkin”!
Jú, tað vóru og eru framvegis fólk í vinnulivi okkara, sum loystu avbjóðingar heldur enn at steðgað við forðingar!
