Hugnakvøld við føroyskum dansi á Norðoyarstevnu 4. juni
Fríggjakvøldið á Norðoyarstevnu 4. juni skipar Klaksvíkar Dansifelag fyri hugnakvøldi við føroyskum dansi. Tiltakið verður kl. 21.00 – 1.00 í Skálanum, Bøgøta 11, 700 Klaksvík.
Hugnakvøldið byrjar við sangløtu og hugleiðingum. Jóanes Johannesen spælir á harmoniku og frásøgufólk verða:
Ásbjørn Lómaklett, uppvaksin á Syðradali,
Jóngerð Midjord, uppvaksin í Haraldssundi
Jónleif Johannesen, uppvaksin í Dali.
Evnið, hugleitt verður um, er: Bygdin, kvæðini og dansurin.
Tey trý frásøgufólkini eru øll sera áhugað í kvæðamentan okkara og royndir skiparar.
Kostnaðurin fyri tiltakið er 150 kr, og tilmeldingarfreistin er mikudagin 2. juni kl. 18.00.
Tilmeldingin fer fram hjá Jónleifi Johannesen, á telefon 742200 ella við at senda teldupost til: jonleif.johannesen@skulin.fo
Við dansikvøðu og vón um eina góða Norðoyarstevnu 2021.
Klaksvíkar dansifelag
