Á Djúpumýru í dag, leiktu KÍ kvinnur og Ebs/Skála dyst í landskappingini. KÍ liðið sá sterkari út í verjuni og á miðvøllinum, men frammi í oddinum restaði neyvleikin. Tó vunnu okkara kvinnur ein sera tryggan 3-0 sigur.
Tað var Sanna Svarvadal, sum opnaði festina við einum framúr langskoti upp undir stongina á Ebs/Skála málinum uttan møguleika hjá málmanninum. Anna málið fekk Tóra Mohr og triðja málið setti Tórun Højgaard Joensen í netið í seinastu sekundunum á dystinum.
Kvinnuliðini hava leikt 16 dystir hvør. Stigatalvan vísir at KÍ hevur 39 stig, NSÍ 31 stig, HB 31 stig, Ebs/Skála 23 stig, B36 21 stig, 07 Vestur 20 stig, Víkingur 18 stig og aftast er TB/Fcs/Royn við ongum stigi.
