Elsebeth Mercedis Gunnleygsdóttir, løgtingskvinna, vil nú hava greiði á, nær MR-skanningar av bróstum byrja á Klaksvíkar Sjúkrahúsi.
Fyrr í ár varð upplýst, at útgreiningararbeiðið og fyrireikingarnar skuldu vera lidnar aftan á summarferiuna. Nú vil Elsebeth vita, um arbeiðið er komið á mál.
Hon spyr eisini, um bróstskanningar longu verða gjørdar í Tesla 3 MR-skannaranum á Klaksvíkar Sjúkrahúsi – og um ikki, nær tær fyrstu skanningarnar kunnu væntast.
Spurningurin er nú settur landsstýriskvinnuni í heilsu- og orkumálum, Eyðdis Hartmann Niclasen.
