Fríggjadagin (í morgin) 18. september hita vit upp til ársins steypafinalur hjá KÍ kvinnum, U13 gentum og U13 dreingjum, sum vera leygardagin – og vit vóna at síggja nógv kongablátt fólk til ein hugnaligan seinnapart saman.
Seinni um kvøldið tekur Meistaradeildin hjá monnum ímóti Skála í Klaksvík.
Á skránni er okkurt til bæði stór og smá:
Kl. 15.30–17.00 – Fótbóltskort og autografar
Finn fótbóltskortini fram og tak tey við! Børnini kunnu býta kort sínámillum, og leikarar frá bæði KÍ kvinnum og monnum koma framvið at heilsa upp á og skriva autografar.
Kl. 16.00 – Vit heiðra U16-genturnar
U16-genturnar vunnu steypakappingina seinasta fríggjadag, og tað skulu vit sjálvandi hátíðarhalda!
Kl. 16.30–17.30 – Okkurt gott til góman
Vit bjóða pylsubreyð og Sunkist til børnini, meðan tey vaksnu kunnu fáa sær ein kaffimunn og okkurt søtt afturvið.
Kl. 18.30 – KÍ–Skála
Síðani verður farið til dyst, tá Meistaradeildin hjá monnum tekur ímóti Skála.
Finn kongabláu klæðini fram, tak børnini, familjuna og KÍ-vinirnar undir armin og kom við til ein hugnaligan KÍ-seinnapart við Djúpumýru, har vit hita upp til steypafinalurnar saman.
Vit síggjast fríggjadagin!
KOYR Á KÍ!
