Í dag, leygardagin 3. oktober, hátíðarheldur Betesdakórið 100 ára føðingardag í Betesda í Klaksvík. Øll eru vælkomin til haldið, sum byrjar klokkan 17.
Kórið varð stovnað 1. oktober 1926 við 23 sangarum og hevur virkað uttan steðg síðani. Bæði ung og eldri syngja í kórinum, har endamálið framvegis er tað, sum undangongumaðurin Eliesar Poulsen lýsti við orðunum: „Orð Guds var málið.“
Skráin byrjar klokkan 17 við minnum, práti og hugna. Klokkan 17.45 verður sangur og søga, og klokkan 18.30 verður føðingardagurin hildin við lagkøku og kaffi.
Dagurin endar við hátíðarløtu við Betesdakórinum klokkan 19.
