Á Ægir-stevnuni seinasta vikuskiftið varð eisini skipað fyri nøkrum sonevndum útskiljings-kappingum
Umframt vanligu kappingarnar á Ægir-stevnuni seinasta vikuskiftið varð hesa ferð eisini skipað fyri nøkrum sonevndum útskiljings-kappingum millum teir vaksnu svimjararnar, sum er eitt sera undirhaldandi slag av svimjikapping, tí svimjararnir fleiri ferðir upp í slag skulu svimja teinin, til bert tveir av teimum eru eftir, og hesir svimja síðani ta endaligu finaluna.
Útskiljings-kappingarnar á Ægir-stevnuni vórðu avgreiddar inn ímillum hinar vanligu svimjikappingarnar, men her verða tær settar upp fyri seg í yvirlitinum niðanfyri.
Hetta slagið av svimjikappingum hevur sum skilst higartil ikki verið so nógv brúkt her heima, men eitt nú í kappingini Køge-Open, har Ægir, FS og Flot luttóku saman, vóru hesar kappingarnar tær mest spennandi at hyggja at, so óiva fara vit framyvir at síggja alt fleiri slíkar kappingar her heima – tað kann ein í øllum førum vóna sum áskoðari.
Útskiljingskappingar eru rættiliga øðrvísi fyri svimjaran enn vanligar kappingar á tann hátt, at svimjararnir skulu svimja teinin fleiri ferðir upp í slag, har bert tann aftasti hvørja ferðina verður koyrdur burturúr, og so svimja hinir umaftur, og soleiðis verður hildið fram, til bert tveir eru eftir, sum svimja ta endaligu finaluna.
Hetta slagið av kappingum gevur sostatt ein fyrimun til tann svimjaran, ið hevur góð evni og orku til longri teinar, meðan sprintarin verður eitt sindur verri fyri – her skal hann jú ikki svimja ein 100% sprint men fleiri upp í slag.
Hetta sást eisini aftur í kappingini, eitt nú í 50m frí hjá monnum. Á hesum teininum er Kristian Olsen í løtuni Føroya skjótasti, og hann vann eisini allar tær fyrstu ferðirnar, svomið varð hendan teinin í hesi kappingini. Men tá bert Kristian og Pál Joensen vóru eftir og svumu fyri seinastu ferð, var munurin teirra millum so lítil ella eingin, at dómarin gjørdi av at lata teir svimja finaluna enn einaferð, og TÁ var orkan uppi hjá Kristiani, sum er ein typiskur sprintari, og so vann Pál, ið hevur sera góðar gávur til langar teinar, hesa kappingina, hóast hetta var fyrstu ferð í hesi kappingini, at hann var fyrr á mál enn Kristian.
Úrslitini av útskiljings-kappingunum á Ægir-stevnuni vóru hesi (3 tey fremstu plássini):
Gull
50m firvald ge.
50m firvald dr.
50m rygg ge.
50m bringa dr.
50m frí ge.
50m frí dr.
Heiðursmekjabýtið millum svimjifeløgini í útskiljingskappingunum var sostatt hetta:
TS – Tvøroyrar Svimjifelag:
FS – Fuglafjarðar Svimjifelag:
VS – Vágs Svimjifelag:
Svimjifelagið Ægir
Svimjifelagið Flot
