Einar fimm ferðir árliga koma vinnulívsfyritøkurnar í Vinnulívsráðnum saman í Klaksvík.
Týsdagin 13. november kl. 9.30 verður Nema, á Stangavegi 53, vertur fyri netverksfundinum, har frágreiðingar og prát verða á skrá.
Byrjað verður við kaffi og rundstykkjum og práti millum luttakararnar. Síðani fer Oliver Thomsen, ráðgevi, at greiða frá upprunanum til og søguna um Com-Data. Aftaná fer Júst í Túni , stjóri á Nema, at tosa um virksemið hjá Nema.
Tað verður so høvi til at seta spurningar hjá luttakarunum og eitt gott prát.
Vinnulívsráðið í Klaksvík, sum hevur meiri enn hálvthundrað limir, hevur meiri enn fjórðingsøld á baki, er felagsskapur av vinnulívsfyritøkum í Klaksvík og fyritøkum við tilknýti til Klaksvík.
