Vit hava boða nøkrum av manningini at vera umborð ímorgin klokkan átta, samstundis møta nakrir av sløkkiliðnum i Klaksvík umborð á Ågot, og so fara vit at taka skipið upp á bedingina hjá KSS, sigur Hjaltur Poulsen, skipari á Ågot.
Hatta var ein ræðuligur smeitur hjá okkum at fáa nú í bestu fiskitíð, men sjálvandi, vit fáa ikki gjørt nógv uttan at taka tingini frá støðuni ídag. Nú tá skipið fer upp á beding, fer at bera til at síggja, hvussu illa skipið er farið og harfrá verður so støða tikin til hvat gerast skal.
Gørnini hjá okkum standa og vit fara helst skjótt út við øðrum skipi at draga tey, sigur Hjaltur Poulsen, skipari á Ågot.
