07 Vestur hava í dag undirskrivað avtalu við Albert Ellefsen, ið inniber, at royndi venjarin verður hjálparvenjari hjá EFFO-liði okkara komandi kappingarár.
Tað skrivar 07 Vestur á heimasíðu síni.
– Við Albert Ellefsen úr Miðvági við á bonkinum, hava 07 Vestur tryggja sær ein royndan harra í føroyskum fótbólti. Bæði sum venjari og leikari hevur Albert verið við í fremstu røð og 1. deild í mong ár. Hann hevur spælt fyri MB og FS Vágar og vant FS Vágar, ÍF og HB, umframt fleiri ungdómslig hjá MB, stendur skrivað.
– Við sterka hópinum, ið 07 Vestur hava sett saman í ár, er ábyrgdin hjá venjaratoyminum stór, men, fáa teir tað allarbesta burturúr leikarum og liði, kunnu vit væntað eitt sera spennandi kappingarár.
Vit ynskja Alberti hjartaliga vælkomnum í felagið og blíðan byr!, endar 07 Vestur tíðindaskrivið.
