Áleið sama byrjan sum í fjør

Samanbera vit við í fjør, so er tað bara hjá KÍ, at talan er um eina heilt øðrvísi byrjan eftir 4 umfør.

Samanbera vit við í fjør, so er tað bara hjá KÍ, at talan er um eina heilt øðrvísi byrjan eftir 4 umfør.

HB, ÍF og Víkingur fingu eisini eina góða byrjan í fjør í Effodeildini, meðan EB/Streymur, NSÍ og TB eisini høvdu tað trupult. B36 hevur størstu afturgongdina í mun til í fjør við 4 stigum færri. KÍ er liðið við munandi betri byrjan, tí klaksvíkingar hava heili 8 stig fleiri enn um somu tíð í fjør. Men til søguna hoyrir sjálvsagt, at KÍ hevði munandi truplari mótstøðulið í fyrstu umførunum í fjør, tá m.a. trý tey bestu liðini í endastøðuni vóru mótstøðulið.

Tískil er kanska ikki so stór orsøk at stúra hjá eitt nú EB/Streymi, NSÍ og TB, tí byrjanin hjá teimum var ikki stórvegis betri í fjør, tá tey øll fingu nøktandi úrslit.

Hagtølini eru tikin frá FaroeSoccer.