32 ára gamli spanski leikarin skiftir felag sambært sponskum og týskum miðlum.
M.a. Marca í Spania og Bild í Týsklandi skriva, at Xabi Alonso nú skiftir frá Champions League vinnarunum í 2014 og til Champions League vinnararnar í 2013 og núverandi týsku meistararnar. Bayern Munchen skal gjalda eitt stað millum 5 og 8 milliónir pund fyri fyrrverandi spanska landsliðsleikaran, sum í nógv á hevur verið mettur millum teir bestu í heiminum á sínum plássi á miðvøllinum.
Sáttmálin við Bayern er galdandi í tvey ár, vilja miðlarnir vera við.
