Unga songkvinnan Anna Lovisa hevur fyrstu konsertina á Summar Festivalinum í ár
Fyrsta konsertin á Summar Festivalinum í ár verður á Torginum í kvøld klokkan 19.
Tá fer evnaríka songkvinnan Anna Lovisa á pallin og fer at seta tónleikapartin á Summar Festivalinum í gongd.
Anna Lovisa hevur seinnu árini lagt rødd til nakrar kendar sangir – eitt nú “Tað kundi verið eg” og “Av øllum tí góða sum Gud hevur gjørt” – og hon hevur havt fleiri framførslur.
Anna Lovisa, sum er 20 ára gomul, spælir gittar og syngur. Hon skrivar sangir og fer at framføra onkran av teimum á Summar Festivalinum. Hon fer eisini at syngja onkur tøkuløg.
Aftrat sær á pallin hevur hon Einar Poulsen, sum spælir elgittar, og Finn Kjølbro, ið spælir gittar, klaver og munnharpu.
