Arkitektavirkið hjá Ósbjørn Jacobsen hevur vunnið kappingina um at tekna nýggja mentanarhúsið í Klaksvík. Tað varð avdúkað á samkomu í býráðshøllini seinnapartin í dag.
Arkitektavirkið hjá Ósbjørn Jacobsen hevur vunnið kappingina um at tekna nýggja mentanarhúsið í Klaksvík. Tað varð avdúkað á samkomu í býráðshøllini seinnapartin í dag.
Fýra føroysk arkitektafeløg vóru biðin um at gera hvør sítt uppskot til at umbyggja verandi posthús við einum uppíbygningi. Øll uppskotini vórðu víst fram á samkomuni, og vinnarin varð kosin.
Klaksvíkar Býráð keypti posthúsið fyri nøkrum árum síðani við teirri ætlan, at tað skuldi nýtast til at hýsa mentanarligum tiltøkum í Klaksvík. Eisini skal býráðið sjálvt nýta bygningin til býráðssal.
Arkitektafeløgini ið luttóku í kappingini vóru: FuglArk, Map Arkitektar, Ósbjørn Jacobsen og Arkitektar99.
