Leygardagin 27 mai, verður Astrid Joensen (Astrid í Garði) á Eiði 100 ár. – Føðingardagurin verður hildin sama dag í Hólmahúsinum, frá kl 14:00 til 18:00 – Øll eru hjartaliga vælkomin.
Astrid er fødd og uppvaksin á Eiði. Hon giftist við Andreas Joensen (vanliga nevndur Andreas í Velinum) frá Haldarsvík, hann doyði 16 Februar 2005. – Tey fingu 5 børn.
Astrid er bóndadóttir. Foreldrini vóru: Olaf Ellingsgaard (Olaf í Garði) og Sigrid Ellingsgaard, fødd Eidesgaard.
Tey vóru 7 systkin. Óluva – Pedda (Jóan Petur) – Lydia – Astrid – Tvíburarnir Hans Olaf og Jørgin – Andrew.
Í dag eru tað Astrid og Andrew sum eru eftir á lívi. Andrew verður 91ár 30 mai.
Astrid búði heima til hon var 98 ár. Og býr nú á Korndalsbýlinum á Eiði.
Hon er væl fyri, og fylgir við í øllum. Minni hevur hon sum fáur.
