Mamy Dahl Sørensen, sum á seinasta løgtingsvalið fekk 176 atkvøður á listanum hjá Javnaðarflokkinum sleppur ikki at umboða flokkin í kringvarpinum
Nú løgtingsvalið nærkast er full ferð á maskinarríðinum hjá politisku flokkunum – men nú Føroyar við einum pennastroki gjørdust eitt valdømi er opið kríggj innanhýsis í flokkunum um hvør stýrir valstríðinum.
Norðlýsið hevur tosað við fólk, sum i mong ár hava verið aktiv í politisku flokkunum og tey siga at hesuferð er tað kringvarpið og ovastu leiðslirnar í flokkunum, sum avgerða hvør sleppur í kringvarpið – sum er sterkasti miðilin í valstríðnum.
Til fólkatingsvalið royndu flokksleiðslurnar, at hava eins umboðan millum kynini – hóast kvinnurnar ikki umboða meira enn umleið ein fjóðring av uppstillaðu valevnunum.
Hjá Fólkaflokkinum hendi tað løgna at rættuliga ókend umboð vóru í sjónvarpinum – meðan eitt nú toppskorðarin á valinum, Jákup Mikkelsen, als ikki var at síggja.
Við øðrum orðum kann ein siga, at ert tú kvinna, so er munandi størri møguleiki fyri at sleppa framat í Kringvarpinum.
Kringvarpið hevur lágt faster reglur fyri hvørji evni verða viðgjørd á sjónvarpaðu veljarafundunum og flokkararnir velja so nøkur fá valevni at standa fram fyri flokkin.
Komandi sunnudag skipar sjónvarpið fyri fundi í KÍ høllini og síðani verður bert ein formannsrunda víst afturat í sjónvarpinum.
Eisini galið í Javnaðarflokkinum
Ein av stóru stemmuslúkunum hjá Javnaðflokkinum í norðoyggjum seinastu løgtingsvalini, er Mamy Dahl Sørensen av Viðareiði, sum gjørdist nummar tvey á listanum við 176 atkvøðum.
Hon fekk meira enn tvífalt so nógvar atvøður sum næsti á listanum, men hóast hetta hevur flokksleiðslan útvalt onnur valevni – sum fingu munandi færri atkvøður og onkur sum stillar upp fyrstu ferð – at umboða flokkin í sjónvarpinum.
