B68 við lokalum venjarapari

Øssur Hansen fær Jógvan Martin Olsen afturat sær soleiðis at teir vera javntsettir høvuðsvenjarar hjá B68 komandi kappingarár.

Nordlysid.fo visti at siga fyri viku síðani, at Jógvan Martin Olsen fór at fáa ein leiklut hjá besta liðinum hjá B68 komandi kappingarár, hóast Øssur tá hvørki vildi vátta ella avsanna hetta.

Beinta Mikkelsen, forkvinna í B68, sigur í samrøðu við in.fo, at sáttmáli nú er gjørdur við Øss og Jógvan Martin

– Felagið er sera fegið um, at hava fingið gjørt avtalu við júst teir báðar. Vit meta at felagið hevur fingið fatur á tveimum venjarum, ið hava sera góðar førleikar til at menna alt felagið í framtíðini. Báðir hava nógvar royndir, bæði sum spælarar og sum venjarar í felagnum, sigur Beinta Mikkelsen.

Í gjár bleiv eisini greitt, at Evrard Blé bleiv fyrsti styrkurin hjá B68.

Mynd: B68