Kl 18.00 í kvøld bjóðaði Sjómannadagurin til hugnatiltak í EIKí Klaksvík.
Kl 18.00 í kvøld bjóðaði Sjómannadagurin til hugnatiltak í EIKí Klaksvík.
Øll, sum onkusvegna eru við til at skipað fyri tiltøkum á Føroya Sjómannadegi, vóru boðin til hugnaliga samveru í deildini í EIK í Klaksvík, har okkurt leskiligt, ein súpanapottur og okkurt svalandi vórðu sett á borðið. Kunnað varð eisni um skránna fyri ársins Sjómannadag.
Kl 19.30 helt Andras Sólstein fyrilesturin “Bátsvanlukkurnar Tollaksmessudag 1913”, tá ið tríggir bátar fórust. Dagurin, sum byrjaði við góðum veðri, men endaði í sorgarleiki við ringum veðri, ið brann á, so ein bátur úr Kunoy við 6 monnum, ein úr Norðdepli við 6 monnum og so eisini Skarðsbáturin við 7 monnum fórust.
Fleiri aðrir bátur vóru tó útróðrar henda dagin, men vunnu lukkutíð upp land.
At Skarðsbáturin fórst, førdi við sær, at bygdin so spakuliga avtoftaðist, tí einki mannfólk í arbeiðsføtum aldri var eftir í bygdini – í 1919 fluttu seinastu 9 fólkini av Skarði.
Andras styðjaði seg til frásagnir og “sýslumannsavhoyringar”, sum vóru eftir hendingina.
Í morgin verður nógv gjørt burturúr, tá ið ein minnisvarði verður avdúkaður á Skarði kl. 14 til minnis um hesa hending í 1913. Gingið verður bæði úr Haraldssundi og Kunoy, eins og tað verður siglt norður.
Drúgv skrá fyri degnum er lýst aðra staðni.
