Leygardagin segði blaðið, at tað var vist at olja var funnin, men nú sigur blaðið at tað var bara gass
Tann annars so høgt metti Berlingarin hevur í sambandi við oljuleitingina hjá Statoilsamtakinum rættuliga skitið í oljudansin.
Um hetta var gjørt av reinum dugnaloysi ella tilvita kann ein bara gita um, men tað eru ábendingar um bæði.
Kursurin á Altantskolvetni
Leygardagin bórust tíðindini um stórar nøgdir av olju við Føroyar, og tá fíggjarmarknaðirnir í Íslandi og Keypmannahavn lótu upp í gjár, hækkaði virðið á partabrøvum hjá Atlantskollvetni heili 11%.
Men síðani tað gjørdist greitt, at eingin olja var funnin er kursurin lækkaður, soleiðis at hann í løtuni er komin niður á tað hann var áðrenn tíðindini bórust í Berlingaranum.
Dugnaloysi?
So er spurningurin um tíðindini í Berligaranum vóru tikin úr leysari luft, ella um onkur hevur havt áhugað í at markera seg á børsinum í Keypmannahavn mánadagin.
Norðlýsið hevur roynt at fingið viðmerking frá Bent Sørensen, blaðmanni á Berlingaranum, men enn hevur tað ikki eydnast okkum.
Hann skrivar tó á heimasíðuni hjá Berlingarnum nú á middegi, at sambart Bjarna Djurholm, løgmanni, er eingin olja funnin, men bert smáar nøgdir av gassi.
Niðurstøðan
er kanska, at tá man ikki veit hvør er løgmaður í Føroyum, so veit ein neyvan heldur serliga nógv um hvat býr í føroysku undirgrundini.
Í øllum førum vístu tíðindini í Sosialinum fyri 10 døgum síðan seg at vera álítandi meðan Berlingarin var til grin.
Meira seinri
