Tá løgtingið kemur sæman kl. 10 í morgun fer Bjarni Hammer, tinglimur hjá Javnaðarflokkinum, sum hevur verið í farloyvi síðan tað kom fram at politiið var í ferð við at kanna skuldsetingar móti løgtingsmanninum at taka sæti aftur í løgtinginum.
Eftir at Statsákærin kom til tað niðurstøðu, at einki hald var í skuldsetingunum, sum hava verið frammi í miðlunum seinastu vikurnar, kundi løgmaður eisini staðfesta, at einki var sum foraði fyri at suðuroyartingmaðurin kundi taka sæti aftur í Løgtingum.
– Eg havi gjørt av at fara til arbeiðis í løgtinginum og eg gleði meg til at taka tingarbeiði upp aftur, segði Bjarni Hammer í stuttari viðmerking til Norðlýsið fyri løtu síðan.
Norðlýsið hevur gjørt eina longri samrøðu við løgtingsmannin og hon verður at síggja á nordlysid.fo seinri.
