Enn einaferð fingu KÍ áskoðararnir fullan valuta fyri pengarnar, tá KÍ spældi við Djúpumýru.
KÍ vann toppdystin móti Víkingi 2-0. Málskjúttar vóru – sum so ofta fyrr í ár – Jóannes Bjartalíð og Páll A. Klettskarð.
Talan var um ein dyst, har liðini áttu hvør sín hálvleik. KÍ var klárt betra liðið í fyrra hálvleik og burdi ført nógv meir enn 2-0, ið var hálvleiksstøðan. Í seinna hálvleiki var Víkingur betri, men útiliðið fekk ikki mál burturúr mál møguleikunum. Sostatt endaði tað 2-0 til KÍ, ið framvegis liggur á odda í Effodeildini.
