SIGLING: Í sambandi við broyting av aliøkjunum á Sørvágfirði, skal siglingin á fjørðinum broytast, og tveir nýggir vitar verða settir upp.
Aliøkini á Sørvágsfirði skulu eftir ætlan flytast til suðursíðuna á fjørðinum og longri út á fjørðin. Fyri at hetta kann lata seg gera, má siglingarleiðin á fjørðinum broytast nakað. Landsverk hevur staðið fyri at finna eina loysn, sum bæði útvegar hóskandi pláss til aling og til trygga sigling á fjørðinum. Í hesum sambandi hevur stovnurin ráðført seg við millum onnur Søfartstyrelsen.
Ætlanin fevnir um, at verandi leiðiviti innast á Sørvágsfirði verður tikin niður, og tveir vinkulvitar verða settir upp.
Broytingin verður sett í verk í summar. Aliøkini verða løgd soleiðis, at smábátar framvegis skulu kunna sigla á suðursíðuni á fjørðinum millum land og alistøðina.
Ætlanin er send til hoyringar hjá viðkomandi myndugleikum og kommununi.
Nýggja siglingarlinja sæst á hesi leinkju:
