Búnaðarstevnan 2021, sum skuldi haldast tann 13. februar er flutt til at verða leygardagin 30. oktober á Skúlatrøð í Klaksvík.
Higartil hava verið fyriskipaðar seks búnaðarstevnur, í ávikavist januar 2014, januar 2015, februar 2017, februar 2018, februar 2019 og februar 2020.
Búnaðarstevnan er eitt afturvendandi tiltak og sera viðkomandi fyri menning og kunning innan føroyskan landbúnað. Í samband við COVID19 støðuna, hava fyrireikarnir avgjørt at flyta stevnuna til at verða tann 30. oktober 2021.
Fyrireikarnir eru í løtuni ígongd við at menna skránna, sum kemur at umfatað ymiskar viðkomandi greinar, ið verða tengdar at landbúnaðarviðurskiftum í Føroyum og okkara grannalondum.
Nærri kunning fæst umvegis heimasíðuna www.bunadarstevna.fo. Eisini er tilfar frá teim undanfarnu stevnunum tøkt á hesari síðuni.
