Á býráðsfundi 30. januar 2014 kemur eitt sjáldsamt mál fyri á býráðsfundi í Havn, sum snýr seg um at seta bústaðarskyldu á eitt ávíst øki.
Málið snýr seg um, at ein meiriluti í teknisku nevnd hevur heitt á býráðið um at kanna løgfrøðilig viðurskifti í sambandi við møguleikarnar at krevja bústaðarskyldu úti á Reyni og í miðbýnum í Havn, og samstundis at seta bústaðarskyldu á hús, sum kommunan sjálv selir í miðbýnum.
– Trupulleikin er, at tað finst ongin føroysk lóg, sum heimilar kommunum at áleggja bústaðarskyldu – í veruleikanum eru tað bara bøndur og prestar, sum hava bústaðarskyldu. Og tí má kommunan útvega lógarheimild frá landinum.
– Hetta er trupult at hava við at gera, tá bústaðarskylda er einasti máti at tryggja trivnaði í ávísum øki, sigur Heðin Mortensen, borgarstjóri í stuttari viðmerking.
Málið verður lagt fyri býráðið á býráðsfundinum nú hóskvøldið.
