Býráðsfundurin, sum skuldi vera hósdagin 24. mai, er fluttur eina viku, og verður hildin hósdagin 31. mai í staðin.
Á skránni fyri býráðsfundin er m.a. ársroknskapurin og grannskoðanarprotokol fyri 2017. Seinasta hond verður í løtuni løgd á hetta tilfarið, sum sambært lóg skal vera landsstýrinum í hendi í seinasta lagi 1. juni.
Býráðsfundurin verður sum nevnt hildin hósdagin 31. mai, og hann byrjar kl. 17.30. Fundirnir hjá Klaksvíkar Býráð eru almennir og kunnu stroymast á heimasíðuni hjá kommununi.
