Bretski forsætismálaráðharrin, David Cameron, leggur frá sær, eftir at úrslitið á fólkaatkvøðuni í gjár.
Bretski forsætismálaráðharrin, David Cameron, fer at leggja frá sær, eftir at úrslitið á fólkaatkvøðuni í gjár gjørdist eitt nei til ES. Sambært forsetismálaráðharranum fer hann at leggja frá sær í sambandi við landsfundin hjá Konservativa flokkinum í heyst.
“Landinum tørvar nýggja leiðslu, men ikki við mær sum skipara,” sigur David Cameron.
Hann royndi at fáa bretar at verða verandi í ES, men fólkið vildi tað øðrvísi, og avgerðin hjá fólkinum skal virðast, sigur hann.
51,9 prosent av bretum atkvøddu fyri at fara úr ES, meðan 48,1 prosent valdu at verða verandi.
