(Finalan um Løgmanssteypið) Tað verður tað besta av tí besta, hvat tónleiki viðvíkur í upphitingini hjá KÍ viðhaldsfólkunum til steypafinaluna í morgin.
Á ferðini suður við Smyrli fara vælumtóktu Danny & The Veetos at spæla á sóldekkinum. Teir fara eisini at spæla í B36 húsinum, har KÍ viðhaldsfólkini hita upp, tá tey koma til Havnar. B36 húsið letur upp kl. 15.00.
Tað eru KÍ og Bláa Bylgjan, ið hava fingið hetta í lag. Møguleiki verður eisini at keypa nýggju fløguna hjá Danny & The Veetos, sum kallast Hint of Melancholy.
Smyril fer av Klaksvík leygardagin kl. 14.00.
