Í dag hava danskir Fólkatingslimir vitjað í Klaksvík. Norðlýsið var við, tá Alex Sólstein og Edward Fuglø greiddu teimum frá, ávikavist Christianskirkjuni og harvið altartalvuni og so listaverkjunum hjá Edwardi í kirkjukjallaranum.
Eisini vóru vit við, tá tey vitjaðu á Looknorth, har teir báðir Árni Skaale og Ragnar O. Sundstein greiddu teimum frá framkomna virkinum, sum hevur mangt og hvat á vøruskránni tey framleiða.
Donsku tingmenninir vóru eisini á vitjan í Býráðnum og í Heiminum við Vágna.
Frá Looknorth fóru tey á Sjómansheimið at hvíla seg eftir langa dagin og skuldu so á Gamla Seglhúsið í kvøld til eina betri máltíð. Í morgin gongur leiðin so til Runavíkar.
