Sum einasta umboð í Føroyum hevur Listasavnið fingið postkort við myndevninum “Fuglar og so villini djór, tey vóru henni kunn” hjá Edward Fuglø frá 2012.
Málningurin var ein almenn gáva frá Føroya Landsstýri og Løgtingi til H. H. Margrethu Drotning II í sambandi við 40 ára hátíðarhald hennara sum drotning.
Postkortið kostar 50 kr, hevur óblankan flata við smálutum úr blaðgulli eins og upprunaligi málningurin.
Á baksíðuni er upplýsandi tekstur á donskum, føroyskum og enskum.
Postkortið er til sølu í móttøkuni á Listasavninum.
Kongernes Samling gevur postkortið út.
Til ber at lesa hugleiðingar hjá savnsstjóra Nils Ohrt um verkið á heimasíðuni hjá Listasavninum
