Hondbólts dystirnir í Vestmanna sunnudagin í bestu kvinnu- og mansdeildini eru útsettir, tí tað mangla dómarar.
Soleiðis stendur á heimasíðuni hjá hondbóltssambandinum:
Kappingarnevndin hevur tí út frá einari heildarmeting av kappingini tikið avgerð um, at dystirnir í Vestmanna komandi sunnudag 6. okt. mugu útsetast til týsdagin 8. okt.Leikt verður sostatt soleiðis komandi týsdag 8. okt:
- 18.30 VÍF – Stjørnan, Elektron deildin
- 20.00 VÍF – KÍF, Atlantic Airways deildin
HSF harmast um støðuna, men útlit eru fyri, at dómarastøðan fer at batna nakað komandi tíðina. Í løtuni eru hetta tó treytirnar hondbóltskappingin hevur at virka undir.
