sigur fyrrverandi partamaðurin hjá Edmundi Joensen, Atli Hansen
Atli Hansen, úr Gøtu, var partur av tingmanningini hjá Sambandsflokkinum, sum royndu at fáa Edmund Joensen frá sum formann í flokkinum, men hann heldur at Edmund í hesum málinum hevur gjørt tað rætta.
– Kenni eg Edmund rætt so fer hann ikki at broyta støðu í hesum málinum, tí hann hevur hugsað seg gjølla um og hevur fyri langari tíð síðan boða frá at hann fór at leggja málið fyri tingið.
– Undir øllum umstøðum fer Edmund ikki at bakka – tí eg kenni hann somikið væl at tá tað kemur til slík mál er hann grót tvørur.
– Eg haldið eisini at hann hevur rætt í hesum málinum og eg skilji ikki hví løgmaður roynir at blanda tingini saman.
– Hann fekk jú eisini uppbakking frá formansskapinum til at leggja málið fram og tí eigur málið at vera viðgjørt í tinginum.
