– Tað er tað aktuella virksemið hjá viðkomandi sum hevur týdning og ikki tað sum hann hevur gjørt fyri fleiri árum síðan
Bjørn á Heygum, advokatur er ikki í iva um at gomlu sendingarnar í Lindini als ikki eru nakar gegnistrupuleiki hjá nývalda formanninum.
– Um sendingarar eru gjørdar fyri árum síðan og bert vera endursendar, so haldi eg at man sær trøll á alljósum degi tá ein sigur at hetta skal vera ein trupuleiki fyri nývalda formannin í Kringvarp Føroya.
– Tað er til einhvørja tíð tað aktuella virksemið hjá viðkomandi sum talan er um og ikki tað sum er gjørt fyri fleiri árum síðan.
– Um tær uppgávurnar eru hildnar uppat so er hetta als ikki nakrar trupuleiki fyri Símun Absalonsen.
