Eiðis Kommuna setur í næstum spakan í til eitt fótbóltsstadion, sum liggur miðskeiðis í bygdini, líknandi vøllinum við Djúpumýru í Klaksvík.
EB/Streymur hevur í dag ein góðan vøll í Streymnesi, sum lýkur øll altjóða krøv.
Felagið er sostatt væl fyri í so máta, men um tað gongur sum ætlað hjá Eiðis Kommunu, so fær felagið í Sundalagnum enn ein møguleika til heimavøll um ikki so langa tíð.
Eiðis Kommuna er nevniliga komið væl ávegis við eini verkætlan fyri nýtt fótbóltsstadion miðskeiðis í bygdini á Eiði.
Tað frættist í loftmiðlunum, at kommunan nú hevur fingið ta neyðuga loyvið frá friðingarnevndini og yvirfriðingarnevndini, so nú verður spakin í næstum settur í.
