Leingi hevur tað ligið í kortunum hjá býráðnum, uttan at nakað er hent, men nú er spæliplássið millum vegirnar undir Klakki, Hamarssniðið og Garðsenda endiliga í gerð.
Neyvan er tað langt av leið at tað eru 20 ár síðani summi av húsunum undir Klakki, við Garðsenda og á Hamarssniðinum vórðu bygd, og talið av børnum er stórt, sum eru vaksin upp har um vegir. Tí kemur tað óiva teimum væl við, sum búgva har úti á leiðini, at kommunan nú ger álvara av ætlanini um eitt spælipláss.
Grundøkið, sum leingi hevur ligið planerað, er ætlað til endamálið, men av eini ella aðrari orsøk hevur tað drigið út til nú menn frá kommununi eru farnir í holt við at stoypar garðar uttanum.
Vit løgdu leiðina framvið og tóku eina mynd av spæliplássinum í gerð.
Spennandi verður hjá børnunum (og kanska onkuntíð eisini hjá teimum vaksnu, hvør veit), tá spæliplássið verður liðugt.
