Í kvøld klokkan 19.30 skipar Eldramálið fyri almennum fundi í kantinuni í Løkshøll um støðuna í eldrarøktini. Orðstýrari verður Jón Brian Hvidtfeldt
Í kvøld klokkan 19.30 skipar Eldramálið fyri almennum fundi í kantinuni í Løkshøll um støðuna í eldrarøktini. Orðstýrari verður Jón Brian Hvidtfeldt
Tíðindaskriv 24. juni 2013
Í løtuni er at kalla undantaksstøða í eldrarøktini. Starvsfólkini mugu renna skjótari og skjótari, tey eldru eru ørkymlað og tey avvarðandi hjálparleys.
Alt hetta verður varpað ljós á í Løkshøll í kvøld, har Eldramálið skipar fyri almennum fundi.
Skráin fyri fundin:
1 Rúna Sivertsen bjóðar vælkomin og tosar sum avvarðandi hjá heimabúgvandi
2. Johild Finnsson, starvsfólk á Heiminum á Mýrunum
3. Olga Magnussen, avvarðandi hjá eldri við minnisbreki
4. Elin á Torkilsheyggi, stýrisforkvinna, lesur upp mótmælisskriv.
5. Tóra Tórgarð, avvarðandi, um hvussu hon sær støðuna hjá starvsfólkunum
Orðaskifti
Torkil Skála, nevndarlimur, byrjar orðaskiftið.
Eftir fundin verður ein drekkamuður at fáa.
Á fundinum verður eisini møguleiki at tekna seg sum lim í felagnum. Fólk kunnu eisini skriva til eldramal@gmail.com
Fundurin verður í kantinuni í Løkshøll kl. 19.30. Eldramálið heitir á øll við hjarta fyri eldrarøktini um at møta á fundinum.
Vegna Eldramálið
Rúna Sivertsen, forkvinna. Hanne-Dot Ludvig, næstforkvinna, Betzy Ludvig, skrivari, Tóra Tórgarð, Mary Antonsdóttir, Kirstin Simonsen og Torkil Skála.
