Norðlýsið var ein túr í býnum í morgun, og ikki kann sigast annað enn at summari er endiliga byrja í Føroyum.
Endiliga er summari í Føroyum byrja. Tað er summar og sól runt um alt Føroyar, og her í Klaksvík er tað um 15 hitastig.
Handlarnar selja búffar og pylsur í hópa tali. Fólk liggja í túninum og sólar sær og summi grilla.
Sera nógv fólk eru farin ein gongutúr, og tey sum eru orduliga røsk eru farin ein rennitúr.
Eisini er lív á kai økinum, men ganga sær helst ein túr oman, og fáa eitt hugnaligt prát um fisk og veður.
Húsvognar eru eisini at síggja í býnum, sum sigur okkum at nú eru turistarnar komnir.
Hesa vikuna hevur ein eisini sæð sera nógv fólk í fjøllinum kring um í Klaksvík, og sjálvandi eru tað tey sum ganga sær ein tú út í Grøv.
Veðurmaðurin sigur, at veðri helst fer at halda sær vikuna út, so kanska vit øll sleppa av við gráa vetrar húðalitin, og verða øll so brún.
