Føroyska innrásin í Keypmannahavn er júst blivin enn festligari
Leygarkvøldið 1. apríl gera føroyingar innrás í Keypmannahavn við sangi, tónleiki og undirhald.
Eftir at fyrireikararnir hava kunngjørt festbólkin Dynamit og skemtaran Sjúrð Skaale, er nú eisini greitt, at Eyðun & Terji verða við í innrásini.
Eyðun & Terji hava spælt í bólkum sum Frændum, Føstufressum og Moirae, og so hava teir eisini verið solistar og spælt saman sum duo. Teir hava óteljandi sangir at taka av, tá ið teir fara á pallin, og teir fara at tríva í tað besta av tí besta undir Innrásini – sangir sum Eros, 80 ini, Nummar, Dansa, Eg flýggi til tónleikin og Mítt land.
Innrásin verður í Amager Bio leygarkvøldið 1. apríl.
