Koyrandi verður undir Tangafirði og Skálafjørðinum í 2019 og atkomuvegirnir á Strondum og á Hvítanesi skulu eftir ætlan verða lidnir tann 31. august í ár. Tað upplýsti Teitur Samuelsen, stjóri í tunnilsfelagnum, á kunnandi fundi í Tofta Skúla, fríggjakvøldið.
Arbeiðið við at gera atkomuvegirnar á Hvítanesi og á Strondum byrjar fyrsta dagin, og frá september verður borað frá hesum báðum plássunum. Arbeiði við tunnilsmunnan á Saltnesi, í Rókini, byrjar seinni.
Eftir ætlan verður borað frá Strondum til rundkoyringina, og síðani verður borað og sprongt skiftivís móti Saltnesi og Hvítanesi.
Eftir ætlan verður Eysturoyatunnilin liðugur í 2019, og byrjað verður uppá Sandoyartunnilin seinast í 2018. Ætlanin er, at Sandoyartunnlin skal vera liðugur í 2021.
