Formaðurin í felagnum greiðir frá málsetningum og leiklutum her.
Tað verða tríggir venjarar, ið skulu standa á odda fyri FC Suðuroy í 2016.
Tann lokali og royndi Palli Augustinussen verður í venjaratominum saman við tveimum kendum útlendingum í felagnum. Teir eru Mamuka Toronjadze og Valerian Lobashvili, ið báðir spældu við í ár. Tað sigur formaðurin í FC Suðuroy, Julius Vest Joensen, við Norðlýsið í kvøld. Hann sigur, at allir vera javnt stillaðir, har bæði Mamuka og Valerian koma at spæla eisini, meðan tað er meira ógreitt við Palla. Julius sigur, at FC Suðuroy varðveitir størsta partin av hópinum frá í ár og ætlar sær beinanvegin uppaftur í Effodeildina. Tó so, so hevur FC Suðuroy mist Høgna Madsen, Jón Krosslá Poulsen og Christian Ibeagha.
FC Suðuroy endaði á 9. plássi í Effodeldini í ár við 22 stigum. 2 sig aftanfyri AB á 8. plássi.
